நீலமலைச்சாரல்

அமைதி தவழும் இளைஞன், முகத்தில் ஞான ஒளி திகழ காட்டில் தவம் செய்து கொண்டிருக்கிறான். துருவனாக இருக்க முடியாது, அர்ஜுனனாகவும் இருக்க வாய்ப்பில்லை.
ராஜ கலையோ, அம்சமோ இல்லை மார்பின் குறுக்கே புனிதம் வாய்ந்த
பூணூலும் இல்லை, ஆனால் அமைதியும் தேடியதைக்கண்ட பேரானந்தமும்
முகத்தில் புன்முறுவலுடன் தவழ்கிறது.
என்ன இது அந்தத்தலையைக் குறிவைத்து காற்றைக்கிழித்து மின்னலெனப்பாயுந்து வருகின்றதே ஒரு சரம்…
முகத்தில் புன்னகை மாற வில்லை ஆனால் தலை உடலுடன் இப்போது இல்லை..
வீர்ர்.. என தன் வேலையை முடித்துச் திரும்பிச் சொல்லும் சரத்தில் “ராமா” என பெயர் பொறித்துள்ளதே?!
ஆம் விசுவாமித்திரன் யாகத்தைக் காத்த,கும்பகர்ணன்,இராவணன் போன்ற கொடியவர்களின் உயிர் குடித்த ஸ்ரீராமபிரானின் அம்பு தான் அது.
ஏன் இந்த பாதகச் செயலைச் செய்தது அல்லது தப்பிப் பிழைத்த அரக்கர் யாராவது ஸ்ரீராமனின் புகழ் கெடுக்கச் செய்த சதியா?
இல்லை.
அயோத்தியில் அக்ரகாரத்தில் அற்ப ஆயுளில் ஒரு பிராமணச் சிறுவன் இறந்து விடுகிறான்
ஐயோ.. அப்படி நடக்கலாமா?
கொடுங்கோண்மைக்கு அடையாலம் அல்லவா அது.
ஆள்பவனோ ராஜாராமன்..
பிணத்தைத் தூக்கிக்கொண்டு  ஆராய்ச்சி மணிஅடித்தார் பிராமணர்..
ஸ்ரீராமச்சந்திரமூர்த்தி மந்தகாசப் புன்னகையுடன் அசையாத மணி அசைந்த காரணத்தை ஞானத்தால் உணர்ந்தார்..
சமூகநீதி காக்க தன் கோதண்டத்தை வளைத்தார்…
பின் குறிப்பு: இளைய தவசி சம்புகன் சூத்திரன் அவன் தவம் செய்யலாமா?
தன் ஜாதிக்குறிய கொலை முதலிய ஒழுக்கத்தைக் கைவிடலாமா?
அதைப்பார்த்துக் கொண்டு மன்னன் சும்மா இருக்கலாமா?

மூன்று கேள்விகளுக்கும் சரியான பதில் எனக்குத் தெரியவில்லை.
துவாபாரத யுகத்தில்- சூத்திரன் தவம் செய்யலாமா?
கூடாது.
தன் ஜாதிக்குரிய கொலை முதலிய ஒழுக்கத்தைக்
கைவிடலாமா?
தவறு. அவன் தன் குலதர்மத்தை மீறினவன் ஆவான்
அதைப்பார்த்துக் கொண்டு மன்னன் சும்மா இருக்கலாமா?
தொடர்ந்து மன்னனாக இருக்கவேண்டுமானால் சும்மா இருக்கக்கூடாது. அவன் ராஜாராமனாகவே இருந்தாலும்.

ஆனால் இக்காலத்தில்????????
சாமதானத்தவர்கள் பதில் கூறுவார்களா?

வணக்கம் நல்வரவு

அடடாவின் பணிக்கு நன்றியும் வாழ்த்துக்களும்

கூறி என் முதல் பதிவை பதிக்கின்றேன்

வணக்கம் நன்றி…

ஈஸ்வர்